Блоги Бахтиёр

weblogи Бахтиёр Фазуллоев.

Равам ба зиёрати кабри солдати точик…

Хавои Киев ачоиб аст. Бороне борида истодааст, ки мислаш ман дар Ватан надидаам. Ачоиб борони махин, чунон махин, ки хатто борон хам не. Ох чи хел форам аст, сайр дар чунин хаво. Сахт ёд кардам Ватанро.

Пеш аз ба сафари Укроин баромадан як кори ачоиб шуд. Бобои як коргарамон дар вакти чанги Бузурги Ватани бе ному нишон гардида будааст. Аввал аз вай хат мегирифтанду баъд дигар на хат ва на номаи сиёх. Баъди чанг беҳисоб бор ба Архиви маркази муроҷиат мекунанд, чандин чойҳоро кофтанд аммо ягон хатту хабаре наёфтанд. Волидайнаш боҳасрат аз дунё гузаштанд. Фарзанди бародари хурдиашро  ба номи хамон солдати гумгашта Абдусаттор номиданд. Мо ҳам аз карнайчи як суфу пуф гуфтему ба Архиви маркази (Центральный архив, Москва) нома навиштем, баъди чанд вакт чанд мактуби гуногун гирифтем…

Баъди он ки Киев омадам, аз интернети бепул истифода бурда ба кофтуков даромадам. Боз маълумоти ҳархела. Баъд як коргари инчои (Владимир Викторович Канивец) гуфт, биё ба ҳамаи ин адресҳо занг мезанем. Дар ҷавоб ба занги мо боз ҷавобҳои ҳархела, яке мегуфт, братская могила, ному насаб нест, дигаре мегуфт, чунин ном нест ё шояд бо дигар ном сабт шуда бошад ва ҳоказо. Аммо як нафар чавоб дод, ному насаби солдатро диҳед ва баъди нисфирузиӣ занг занед, ман рӯйхатро дида мебароям. Шахсе, ки мо меҷустем, бо ному насаби гуногун дарёфтам аз инет. Пас номи аз ҳама паҳншудаашро пешниҳод кардам Кахоров Саттор. Рузи ҷумъа буд аз ин рў ман имкони баъдинисфирўзи истоданро надоштам.

Бегоҳ ба ман Канивец занг зада гуфт, ки Кахаров Абдусаттор ҳасту аз шахси гуфтаи ту нишон не. Воҳ!!! Шодиям ҳадду канор надошт. Аслан исми солдат Абдусаттор буд…

Эҳҳа ман ин боронро ҳеч чиз не гуям, муи сарамро тамоман тар кардааст-ку. Зуд савор шудам ба маршрутка (ҳм, маршрутка? Автобуси наонкадар калон гуем дуруст). Яке аз достопримечательности шаҳри Киев «Киевский торт»  будааст. Ният кардам, равам як торт гираму барам барои хушхабараш, бо кадами ширини точикона (ман точикам-ку!!!). Дар масҷид бо тоҷиконамон вомехӯрам. Аввал хостам аз муфтӣ — Аҳмади Тамим суол кунам, ки Худо раҳмат кунад, шояд беҷаноза гӯронида шуда бошад, оё ҷанозааш хонам дуруст аст.

Ба бахти ман як ҷавони донишманд аз Исфара омадааст — Исмоил. Дар борааш баъдтар вақт шавад менависам. Азбаски мо суннимазҳабем, бехтараш чавобро аз у гирам. Чавоб дод, ки чаноза лозим нест, ва зиёрати кабр хам аз нигохи шариат дуруст аст. Ва ояти Каломуллоҳро ба ҳамаи мусалмонони хокшуда бахшӣ дуруст аст, ҳеҷ боке надорад, гарчанд дар «братская могила» мусалмон ҳам хобу номусалмон ҳам…

Меравам иншооллоҳ ба ноҳияи Шпола ба деҳаи Васильково. Мекобам пиронсолони деҳро шояд ягон шахсе монда бошад, ки донад худораҳматиро…

Худовандо…

Реклама

Декабрь 1, 2009 - Posted by | Uncategorized

3 комментария »

  1. Кори дурусте мекунед (дар мавриди навиштаатон перомуни бобои Абдусаттор шояд вакти дигар комент менависам, холо хуши маро борон бурд ва шеъри Бозор Собир ба ёдам омад. Бовар дорам, ки барои чои зиёдро дар сахифаатон гирифтан маломат намекунед).

    Зангулазанон гузашт борон,
    Чобуку чавон гузашт борон,
    Бо чилчилахо гузашт борон,
    Бо шилшилахо гузашт борон,
    Бо силсилахо гузашт борон,
    Монанди занон гузашт борон.

    Гесуйи занона дошт, борон,
    Луълуи занона дошт борон,
    Аз тиру камони ранга-ранга,
    Абруи занона дошт борон;
    Дар шишичаи хубобаш атри
    Хушбуи занона дошт борон.

    Монанди занон чамида мерафт,
    Муяш ба замин расида мерафт,
    Нозаш ба замин чакида мерафт,
    Абруи камони рангаашро
    Бо ишва калам кашида мерафт…

    Оинаи хар тиреза тар буд,
    Аз катраи реза-реза тар буд,
    Аз дидани хар тирезаи тар
    Дил тозаю дида тозатар буд,
    Як руйи занона дар назар буд.

    Борон гами чилрузаро шуст,
    Борон дилу дидаи маро шуст,
    Оинаи хар тирезаро шуст,
    Оинаи синаи маро шуст…

    комментарий от MAHBUB-TJ | Декабрь 2, 2009 | Ответить

  2. Ин блоги ман садкаи ин мисрахо шавад 🙂

    Бозор Собир чи кадар шоири бузург аст… Ин тасвирро бин…
    Рахмат бародар, барака ёбед, дастатон дардро набинад, бовар кунед аз хондани ин мисрахо «кайф» кардам. Ман чунон боронро дуст дорам…

    комментарий от Бахтиёр | Декабрь 2, 2009 | Ответить

  3. Ин кадар дуоям кардед, ки илхомам омад, аз худ рафта боз тамоми ашъори ноби Бозорро ин чо нанависам…))))

    P.S. вырезано…

    комментарий от MAHBUB-TJ | Декабрь 3, 2009 | Ответить


Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s

%d такие блоггеры, как: